السلام عليكم
اتمنى من الله ان مكان سوالى هو المكان المناسب لانه سوالى يتعلق بالقانون التجارى

انى متفق مع شركة هولندية متخصصة فى صناعة الملابس الرجالية و كان الاتفاق هدا بانه انكون الوكيل متعهم فى ليبيا بحيت انوفر محل للبيع و ناخد نسبة من المبيعات

بس لى حد الان مش عارف شن هيا الاجراءات الى لازم انديرها

فيه ناس يقولو ممنوع انكون وكيل لشركة فى ليبيا من غير ما اتكون عندى شركة او تشاركية لانه القانون الليبى لا يسمع بان الفرد يكون وكيل لشركة و ماعنداش شركة او تشاركية

فا يا ريت اتوضحولى الامور من الالف الى الياء
قصدى شن هيا الاجراءات و الترتيبات المتعلقة بالرخصة التجارية و تصريح بانه انكون وكيل و ترتيبات الجمارك

لانه خوكم متغرب على ليبيا ليا توا 23 عام و ماشا الله البلاد متغيرة و مش عارف حتى كيف اندير

و شكرا جزيلا