تجديد القيد والزحمة التي لا تنتهي

[المحامية]

السلام عليكم ورحمة الله وبركاته

تجديد القيد والزحمة غير العادية في الاول قالوا سنة 3 و4 فقط قولنا باهي

الزحمة ما بت تتم معقولة الطلاب الناجحين بالكمية هذي وبعدين زادوا 1 و2

والزحمة زادت بالدبل واحرف من الاول نبي نفهم من سبب الزحمة؟

بالنسبة لي اسبوع واني نجري باش ناخد الايصال واسمي ما نلقى فيه

معاد مشيت من الزحمة وهذا كله في نظري بسبب الموظف اللي يوم ياخد

الفلوس واليوم الثاني يعطي ايصالت اليوم اللي قبله واللي خلصوا اليوم ياخدوا

الا يصال بعد غدوة وهكذا ويستمر مسلسل زحمة القيد وكان تكلمنا وقولنا وقت

وعندنا محاضرات ونبوا نمشوا يقول بروا وتعالوا قاعد لساعة 12 والله شكرا على

التواضع ليش مكلف على عمرك:d ومرات يجي متاخر ويقول عندي عرس والا ضرب

بنت بالسيارة ويعلم بعدها شني كما بيسافر

فياريت تلقونا حل معاه

[المهندسة]

تبي تتحملي يا أختي كان تبي تقري ... كل الكليات نفس الشئ تجديد القيد وتزيل المواد الزحمة وقلة الاحترام يعني كانك تبي تجددي قيدك وتنزلي موادك تبي توقفي في الزحمة وفوق هذا كله تسمعي كل الكلام الي مش كويس ...

[عالى مستواه]

لالالالاأنا أخالف الأخت المهندسة القانون ليست كاباقي الكليات للأسف
وعلى رؤى العين ، الكارثة الكبرى والمشكلة ليست من الطلاب لأن الطلاب فى حركة نظامية
بل المشكلة من موظفين الإختصاص والفوضــى العارمة للأسف

والله ايسهل الأمور

[واثقه الخطوه]

صح
عدد كبير جدا من الطلاب الدين يردون تجديد القيد ولم يستطيعوا
واكيد السبب من الموطفين وليس من الطلابمثل ماقال اخى عالى مستواه
لان كل مره شئ ينقص مره الايصال ومره اوارق التجديد ومره....
وطبعا الطالب لا يحضروا المحاضره ولا يجددوا قيد
الله يكون فى عونكم

[عالى مستواه]

والله المدا الى فاتت بنجدد قيدي شفت زحما كبيرة هلبا هلبا

تقريبا إقعدت ساعه ومفيش ولا واحد جدد قيده وطلع كلها واقفا تستنى وفي أخر الأمر

إطلع الموظف يفطر مش فاضي .............. من حقه هوا فى المكيف والظل ..وعلى كرسي

والطالب فى عين الشمس واقف إياماته حرف سود على رأسه

والكارثة الكبيرة تنزل أعلانات إنذار وسرعه بتجديد القيد :::

وفى حاجه تانيه نبي نعرفها يفترض على الموظف المختص فى حين إستلام المبلغ من الطالب

أن يسلم لطالب إيصال إستلام بلقيمة المعنية

وبعدين ليش قيمه تجديد القيد 16.50 تقريبا جميع الكليات المتبعه لنظام الفصل رسوم تجديد

القيد 6.25 فقط .




ع الله

[المحامية]

مشكورين على التفاعل , ويا المهندسة اني مش متفقة معاك احني نتحملوا كان احني
اللي مقصرين لكن احني مش مقصرين انما الموظفين هما اللي فيهم الخلل

[mano]

السلام عليكم
صراحة ارى ان السبب ى هذا التاخير من الموظف المكلف باخذ الفلوس فهو مهمل لانه مفروض ان الخدمة تبدا 8 وتنتهى 2 ولكن كالعادة التاخير صفة موظفينا وهم فخورون بهذا ويتجملوا اذا قاموا بواجبهم
ربى يهدى الجميع
التوفيق للجمبع

[الساهر]

ضيق الوقت الذي يُفتح فيه شبآك التجديد وموظف وآحد أمام الكم الهايل من الطلبه

أكيد سيكون الحآل إلى الاسوء


ولاكن الطـــآمه الكبرى

هي حــآل الطآلب وهو ينتظر دوره بـ فآرغ الصبر ويأتي موظف زميل موظف الخزينه لـ إستكمآل تجديد قيد لطآلب لم يحضر بعد ومآم نآظري الطلبه الوآقفين


حسبنآ الله ونعم الوكيل

[هلا]

زيدكم منا ماشي يعجب لا الطيب ولا المخلص ولا الفاشل ههههههههه