تساؤل له مبرر منطقي

[محمود الصقر]

بالله عليكم تحذفوا هذه المساحة اللي خصصتوها للمقرحي هذا ، لأن هالشخص كان احد البلاوي اللي عانا الليبيون الكثير بسببها ، شن اللي استفدناه من المقرحي هذا ؟ شوه صورة الليبيين ، عرض الليبيين لسنوات ظلم وحصار وفقر وذل ما ليهمش أي ذنب فيه ، قتل ناس أبرياء تنيذا لرغبات شيطان ، أستنزاف أموال الليبيين بدفع مبالغ مالية طائلة كتعويضات لأهالي ضحاياه ، وماخفي كان أعظم ، ومع هذا مزال فاتحينله زاوية خاصة بيه ، بصراحة شديدة أني مستاء جدا جدا جدا من هالنقطة ، بعدين ليش مافيش أي تفاعل من موقعكم مع ثورة 17 فبراير المجيدة؟ الموقع هو هو مافيش أي تغيير يذكر ؟ في أسألة كثيرة تحتاج إجابتكم يا مشرفي الموقع وخاصة انتي يا دكتورة فائزة .........................

[المشرف العام]

العضو المحترم محمود
أولا- افتقد لمداخلتك القيمة
ثانيا- تم تأسيس المنتدى الخاص بالمقرحي بناء على طلب احد الاعضاء
وهو ما تجد اساسه في الارشيف بالبحث لانني لااذكر من هو ؟

[المشرف العام]

واستجابة لطلبك سوف استبدل اسم المنتدى ليكون قضية لوكربي .. لان المعلومات تفيد الباحث التاريخي ... والقانوني
ودائما بانتظار ملاحظاتكم ...

[محمود الصقر]

السلام عليكم ، أحييكم بتحية الاسلام وبعد ، أؤجوا ألا يكون انتقادي قد سبب لكم أي تجريح ، فانتقادي كان نابعا من غيرتي الشديدة على بلادنا الغالية ليبيا التي دفعنا الغالي والنفيس في سبيل تحريرها من كابوس بصراحة شديدة أنا لم أكن أتخيل أن يأني يوم ونتخلص منه ، ولأنني احترم الموقع جدا وأحترم وأقدر صاحبته التى لها الفضل الكبير علي الاستاذة الفاضلة د فائزة الباشا التي لها مكانة كبيرة جدا عندي ، مع التنويه إلى رجائي بأن يتم تغيير شكل الموقع ووضع لمسات جديدة على الموقع مثل أعلام الاستقلال والشارات إلى أخره ،،،،، ولكم مني جزيل الشكر والتقدير والاحترام..............

[المشرف العام]

العضو المحترم
وعليكم السلام ورحمة الله وبركاته ...
النقد البناء لايجرح ... لان من حق الجميع ان يبدى وجهة نظره ... وهذا منتداكم ولكم رأى فيه
وسوف انقل طلبكم بشأن العلم للمهندس المختص
ودائما مساهماتكم وملاحظاتكم تهمنا

بالتوفيق

[بلال الشويهدى]

[quote=المشرف العام;124067]العضو المحترم
وعليكم السلام ورحمة الله وبركاته ...
النقد البناء لايجرح ... لان من حق الجميع ان يبدى وجهة نظره ... وهذا منتداكم ولكم رأى فيه
وسوف انقل طلبكم بشأن العلم للمهندس المختص
ودائما مساهماتكم وملاحظاتكم تهمنا

بالتوفيق[/[/size][/size]


لسلام عليكم ورحمة الله .
وجهة نظر العضو الصقر ربما فى محلها ، ولكن اذا مااتفقنا على هذا فعلى الدولة ان تبداء من السلوم شرقاً الى رأس اجدير غرباً ومن طرابلس شمالاً الى غات جنوباً بتغيير اسماء الشوارع والمدارس والجامعات وبعض الاشارات واليافطات واسماء بعض المواليد الذكور كمعمر والفاتح ومارس والاناث كثوره وفاتحه ، وكذلك الصحف والكتب والمجلات وكل مايذكرنا بزمن القدافى ، اعتقد ان الموضوع اعمق من هذا وأكبر بكثير ، وهذا رأى شخصى .

[محمود الصقر]

السلام عليكم
أود التنويه إلى أن إقتراحي إجراء تغييررات على الموقع كان نابعا من كرهي الشديد لنظام القذافي وحقدي الدفين عليه ، لأنني والله أرى أل 42 سنة التى حكمنا فيها من أكبر الكوارث البشرية ، فهي سنوات شاب فيها الطفل ، ومن المستحيل نسيانها ونسيان الماض الاسود القابع فيها ، ولكن وكمحاولة للبدء في مرحلة جديدة لا بأس من القيام بكل ما يظهر ملامح دولة جيدة بنظام ديمقراطية حر ،،،،،،،،،،،، ولكم مني كل إحترام وتقدير......ز

[بلال الشويهدى]

وعليكم السلام ورحمة الله وبركاته .
ننسى الماضى يا أخ محمود بالتكاتف والتلاحم وتعزيز اللحمه الوطنيه ودفع عجلة التنميه والتقدم الى الامام نبنى دولتنا على اساس علمى منهجى ،الرجل المناسب فى المكان المناسب حيث لاقبليه ولاجهويه الاحقيه لاولى العلم وللنخبه المتعلمه ، الديمقراطيه والعدل وحقوق الانسان منهجنا والشريعه الاسلاميه زادنا القوى .
علينا ان ننسى الماضى بما فيه وننطلق الى الامام .
( ان يمسسكم قرحاً فقد مس القوم قرحاً مثله وتلك الايام نداولها بين الناس )
صدق الله العظيم .

[كاتب عدل]

السلام عليكم
الاخت المشرف العام
لدى إقتراح لمادا لايتم إستبدال هدا المنتدى ( قضية لوكربى ) بمنتدى شهداء مجزرة سجن أبوسليم لقد لاحظت عدم الاهتمام بهدا الملف لقد كان نتيجة هده الجريمة البشعة (1269 شهيد ) من خيرت شباب ليبيا ، الا يستحق هولاء الشهداء الابرار تخليد دكراهم والمطالبة بحقوقهم ، وكدلك اليس من العدل الاهتمام بأسر الشهداء .

[محمود الصقر]

أي ماض هذا الذي تقترح أن ننسوه ، اللي صار مستحيل ينتسى ، وما تقول يفتن ولا يشعل في نار الفتنة ، لأن هذا واقع ، بس ما يقول في كلمة ننسوا الماض إلا اللي ما ضاق شي وبالعربي ما طق فيه شي ، يللي تقول أنسو وتغاضوا وينك من اللي صار فالزاوية ومصراتة والزنتان وزوارة ؟ وينك من البنات اللي اغتصبوهم قدام أهاليهم ؟ وينك من هالكلام ؟ وينك لما الزاوية 7 شهور ورفلة ما خلوا ما داوروا فيها ؟ قسما بالله لا هامني فلوس ولا رزق ضاع ولا بيوت تهدمت ، ولكن الاعراض اللي انتهكت ، الاعراض يا ناس ، أنا من الزاوية ويا ناس والله اللي شافاته الزاوية هلبا هلبا هلبا راكم ما ريتوا شي وما طلع منه شي ، أنا من حقي نقتص من اللي ساندو القذافي ولو بكلمة ، لأن لو وقفنا مع بعض ضده ما كانش يصير هكي ، اللي وقف مع القذافي لازم يتحمل نتيجة اختياره ، ومصراتة عندها الحق وكل الحق لما طردت تاورغا من جنبها لأن تاورغا كلها كانت مع هالكلب وكلها خشت ودارت ودرات واللي صار معروف وما حد ينكره ، واللي نستوا شن داروا أهل تاورغا في مصراتة ، بس اني ما نسيتش ولا قدرت ننسى ، في هلبا ناس من زمرة المقبور قاعد برا السجن وما وصلها شي ، ياسرنا تستر عالحق ، هذا كلامي وانا مسؤول عليه ، وباش ننسى اللي صار هذا مستحيل ولو بعد 100 عام .......