للإعلان في الموقع يرجى مراسلتنا من خلال البريد الإلكتروني info@lawoflibya.com
النتائج 1 إلى 6 من 6
  1. #1
    عضو وفي
    تاريخ التسجيل
    Jun 2009
    المشاركات
    1,807

    افتراضي كيف يضيع حق الليبيي في ليبيا‏..

    : كيف يضيع حق الليبيي في ليبيا‏..‎Kamal Jelban‎
    بسم الله الرحمان الرحيم

    هدا الموضوع و ان كان لا يمس موضوع ليبيا الغد على رائي البعض و انه ممكن يحدث في ليبيا الغد و قد كان يحدث في ليبيا الامس و ان راى فيه البعض الاخر انه مجرد موضوع عادي و متكرر و حق شخصي الا اني ارى عكس دلك تمام على كل الاصعده .

    في البداية سوف اشرح المشكلة بكل بساطة مهندس مدني يعمل كا استشاري في مشروع انشاء مباني في منطقة سيدي السايح هدا المشروع يتبع جهاز الاسكان و المرافق طرابلس و هو عبارة عن انشاء 10000 وحده سكنية يعني مدينة متكاملة في اطار المشاريع الكثيرة اللي تم الشروع فيها في السنوات الاخيرة في كل مناطق الجماهيرية لحل مشكلة السكن .

    هادا المشروع تم التعاقد عليه بيه الجهاز و شركة صينيه و طبعا تم التعاقد بين الشركة الصينيه و شركة صينيه اخري لتنفيد كما هي العاده لان الوليمة كبيرة و لازم يتقاسمو فيها كلهم المهم الشركة الام شركة معروقه و كبيرة لكن الشركة التانيه شركة غير معترف بها حتى في بلدها الصين بالله عليكم مشروع ايكلف مليار و تلات ميه و خمسه و عشرين مليون تاخده شركة صينيه غير معترف بيها حتى في بلدها الام سامح الله من كان السبب.

    المهم بدات العمل في هادا المشروع يوم 17/1/2010
    و مع مرور الوقت اكتشفت انه فيه تلاعب كبير صاير في التنفيد و حاولت اني نلفت نظر المدراء و الناس اللي اعلى مني في المنصب للحاجة هادي و بلغتهم و قدمت التقارير الفنيه على الاخطاء اللي صايرة في العمل و النتائج اللي راح تادي ليها هادي الاخطاء لكن كلهم (ودن من طين و دن من عجين ) لوا كان فيه حاجة و لما هددتهم باهي راح نوصل الشكوى للجهات العليا ما كان من البعض منهم الا ان نصحني اني نخطى الموضوع لان فيه ناس فوق الله اعلم وين فوق ممكن القمر واخدين رشوه كبيرة والشركة هادي ما فيش حد يقدر يوقف قدامها و انها قامت بطرد حتى الشركة الاستشاريه اللي كانت قبلنا في الموقع لان علاقاتها قويه في الدولة .

    معقولة شركة عبارة عن مقاول لتنفيد مشروع اسكاني في المستقبل راح يسكنو فيه ليبين تكون علاقتها في الدولة قويه لدرجة انك ما تقدرش تفرض عليها انها تنفد حسب المواصفات ؟

    ياناس المباني هادي والله راح تطيح على روسكم يا ليبيين انا بري من دنب اي حد ايحطيح علي راسة مبني في مشروع سيدي السايح لا حول ولا قوة الا بالله

    المهم و لما اصريت على اني راح نوصل الموضوع لاعلي مستوى الله اعلم من لكن فيه حد طلب من الشركة الصينيه انهم ايقدمو لي رشه و فعلا حاولو لكن رفضت مرة و تنين ولما ما قدروش يفرضو عليا اني نوقع على الاستلام لبعض المباني لانها كانت غير مطابقه للمواصفات صار التالي.

    في يوم الاربعاء 24/2/2010 و انا في الموقع قام خمسة اشخاص منهم مهندس من الشركة الصينين و مترجم و مشرف موقع و تنين من العمال بمحاولة اجباري على توقيع الاوراق في الموقع ولما كنت معاهم فوق سطح احدى العمارات طلبو مني توقيع الاوراق و هددوني اني لو ما وقتعتش على الاوراق راح يرموني من فوق السطح و انا واقفت لكن على شرط اني نوقع الاوراق في السيارة فقط باش نقدر نهرب منهم و اول ما وصلت سيارتي و ركبت رفضت التوقيع لكن ركبو معاي تنين منهم في اسيارة و حاولو انهم يفرضو عليا التوقيع على الاوراق لكن هربت منهم و بلغت الشركة و خدو ضدهم اجراءات لكن كانت غير رادعة و لما طلبت اسماءهم رفضت شركتهم تسليم قائمة باسمائهم و اكتفت بتقديم رسالة اعتدار

    المهم مشيت و بلغت في مركز سيدي السايح و فتحت محضر لكن يا للاسف المحضر مفتوح من يوم الاربعاء 24/2/2010

    و لم يتم اخد اي اجراء ضدهم مع العلم اني ترددت على المركز المدكور اكتر من اربع مرات لكن في كل مرة كانو يقولو لي في حاجة لكن في الاخير عرفت ان مدير المركز واخد رشوة من الشركة الصينيه باش يخفي المحضر و رفض حتى انه يعطيني رقم المحضر باش نحولة للادعاء العام و هادا ما سمعت و سمعت انه عنده علاقه قويه مع مدير الشركة الصينييه

    و لما حاولت نتكلم مع مدير جهاز الاسكان و المرافق الموجود في الموقع قالي احسن لكن انك تمشي تتنازل على القضيه في المركز لان هادي مشكلة داخلية و تم حلها في الشركة و قدمت الشركة الصينيه اعتدار و عرفت بعدين انه في يوم السبت 27/2/2010
    تم تقديم سيارة جديده كهديه لمدير الجهاز في الموقع والسيارة نوعها تيوتا لبوة و انا شفتها بعيني و قيل انها كانت ثمن بيع القضيه باش يضغط عليا و نتنازل على المحضر

    لكن هيهات حقي دونه الموت

    نتمنى والله نلقى انسان نظيف في ليبيا انسان نظيف في بلادي شخص يوقف جنبي
    والله لو صارت حاجة زي هادي في دولة اخرى لكن المهندس يكرم ايما تكريم و تعوضه الشركة الصينيه على الضرر النفسي و المعنوي اللي صار له لكن انا ليبيا الباين عليا ما عنديش حق

    انا ما نبيش تعويض ولا تبي تكريم

    بس ما نبيش فلوس بلادي يضيعو هكي قدام عيني حرام ولا نبي نوقع على حاجة غلط غصب عني و انا عارف ان فيه ناس باش تموت تحت انقاض هاده المباني والله حرام يا ناس

    حسبي الله و نعم الوكيل في ليبيا
    حسبي الله و نعم الوكيل في رجال ليبيا
    حسبي الله و نعم الوكيل في الرزق اللي رايح
    حسبي الله و نعم الوكيل في رزق الليبيين اللي يلعب بيه حفنه من المرتشين
    على فكرة لو فيه راجل في ليبيا يقدر ايساعدني هادا لو فيه انا عندي تحت ايدي كل الاثباتات و التقارير و الدلائل اللي تثبت كلامي

    اللهم اني بري مما يصنعون
    والسلام عليكم و رحمة الله

  2. #2
    عضو وفي
    تاريخ التسجيل
    Jun 2009
    المشاركات
    1,807

    افتراضي

    Fawzi Bnnaje‎
    أشكرك أخي
    وكثر الله من أمثالك
    والله ما حدث وقمت بسرده شئ تقشعر منه الابدان
    وارجو منك عدم التراجع والتصميم علي إكمال المشوار
    وثق بأن في ليبيا الكثير من الشرفاء
    والذين سينتصرون للحق
    ويزيلو النماذج العفنة من طريق ليبيا الغد وبعد الغذ والي أبد الدهر
    فقط أخي
    أرجو منك طرق كل الابواب
    فقد دخلت معركة وسيحاربك خفافيش الظلام ولكن نصرك عليها مرتبط بقوة يقينك
    وما هي الا لحظات ويبزغ الفجر تفر خفافيش الظلام امام نور الحق وقوة العزم
    نعم أخي
    لاتيأس ولا تنهار ولاتهادن ولا تستسلم
    ليعلم الصينيون ومن دار بفلكهم أن بليبيا رجال
    وسيغلم الذين ظلمو اين منقلب سينقلبون
    عليك ارسال مذكرات الي جهاز الرقابة
    الي مكتب معلومات القائد
    الي جهاز التفتيش القضائي
    الي مكتب امين اللجنه الشعبيه العامة للمرافق
    الي النيابة العامة
    الي مكتب سيف الاسلام
    الي موقع القذافي يتحدث
    استخدم النت في ذالك
    فالعديد لديهم مواقع علي النت يمكنك مخاطبتهم عن طريقه
    ايضا الي
    المستشار أمين العدل
    الي كل هؤلاء وغيرهم
    فقط أخي لاتيأس
    ان كان للباطل جولة فللحق جولات وجولات وايضا صولات
    اخي
    وإحتسب ما تقوم به عند الله وسيكون في ميزان حسناتك
    وفقك الله وبارك فيك
    والسلام عليك ورحمة الله وبركاته

  3. #3
    عضو مشارك
    تاريخ التسجيل
    Jan 2009
    الدولة
    لــــيبيــــا
    العمر
    53
    المشاركات
    4,118

    افتراضي


    موضوعك يحتــاج الى اثباتات وربما الى شهود ، وليس الى كلام مسترسل ، وزي ماقالك بن ناجى البلاد لا تخلـــوا من الشرفاء فقط عليك الصمود وعدم التراجع وأثبات الاحداث اولا باول .
    بالتوفيق

  4. #4
    عضو وفي
    تاريخ التسجيل
    Jul 2009
    الدولة
    gorreji
    المشاركات
    1,056

    افتراضي




    لقد بدءنا نلمس الواقع بايدينا ... ياسادة

    ثقوا وتأكدوها انه ليس هناك عقد مقاولة او عطاء يوقع في ليبيا لا تدنسه الرشوة والعمولات تصديقاً لقوله تعالى (.... ولا أكلوا اموالكم ... ) حتى صار امراً مستساغ من قبل اصحاب الشركات والمقاولين بل صار هناك من يفُتي فيه بين التحليل والتحريم ... فالى اين ... عني انا والله ماني عارف لا زابط حاجة



    ملحوظه : هذا الكلام ان مسؤل عنه ومن واقع خبرة شخصية
    التعديل الأخير تم بواسطة محمد نجيب ; 04-04-2010 الساعة 05:28 PM

  5. #5
    عضو وفي
    تاريخ التسجيل
    Jun 2009
    المشاركات
    1,807

    افتراضي

    [FONT="Arial Black"]أخي محمد نجيب
    بارك الله فيك
    فقط أسمح لي
    بتصحيح الاية الكريمة
    [/FONT]((...ولاتأكلوا أموالكم بينكم بالبطُّّلْ))

  6. #6
    عضو وفي
    تاريخ التسجيل
    Jul 2009
    الدولة
    gorreji
    المشاركات
    1,056

    افتراضي

    شـكــ وبارك الله فيك ـــرا على تصحيح الخطاء الغير مقصود وان شاء الله ربك يسامحنا ... موفق بإذن الله ... لك مني أجمل تحية .

 

 

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
 
جميع الحقوق محفوظة © 2007 - 2013, موقع القانون الليبي.