للإعلان في الموقع يرجى مراسلتنا من خلال البريد الإلكتروني info@lawoflibya.com
صفحة 1 من 2 12 الأخيرةالأخيرة
النتائج 1 إلى 10 من 13
  1. #1
    عضو وفي
    تاريخ التسجيل
    Sep 2009
    المشاركات
    1,015

    افتراضي مناظرة بين العزوز وكنتها1

    مناظرة بين العزوز وكنتها1


    بدت عليها الكنة وقالت


    يا أم راجلي كنك عليا تشدي

    نا خاطري نلعب معاك بيدي

    غر حولي الصندوق قريب يندي

    يا عزوزتي يا حديد قريب ايصدي


    ردت عليها العزوز

    يا بنيتي يا غولة خيرك حرفة

    لازم انقول للراجل ايديرلك صرفة

    من يوم للحوش خشيتي تغير مرفاء

    بابور والع و بابور ماشي مداير دوشة


    رد الزوج و قال


    أمي ما نبدلها بيك ......... طوالي لحوش اماليك

    أمي عزيزة فوق الراس ..... بلاها مانرفعش الراس
    التعديل الأخير تم بواسطة ركاز ; 05-11-2009 الساعة 07:00 PM

  2. #2
    عضو وفي
    تاريخ التسجيل
    Oct 2009
    المشاركات
    599

    افتراضي

    الله عليك [glint]ياا ختى ركاز [/glint]مناظره فى قمة الابداع يعن شنو نقولك [glint]حاجه موز موز [/glint]

  3. #3
    عضو وفي
    تاريخ التسجيل
    Sep 2009
    المشاركات
    1,015

    افتراضي


    مناظرة 2


    الكنة تقول:: يــا الاي هدا مش كرسيك الكرسي الاول ما هو ليك .

    العزوزتقول:: يــا سلم ما جاب حزامي نركب في الكرسي القدامي.

    الكنة:: حــزامك جــاب و ظـنـك خاب الكرسي الاول لـ الاحباب.

    الكنة:: يا الاســكــان عطــوني شــقة دور طــنــاش أمـــه مــا اطــقــه.

    العزوز:: لولدي كــان جدبني الشوق نرص البطمة نطــلع فوق.

    الكنة :: انشاء الله البطمة تفسد بيك وما اتشوفي زول اغواليك.

    العزوز:: وكانا البطمة فسدت بيا نركب حتا على رجلية.

    الكنة:: العزوز الي جاية تهروك بــ رداها ، غير قولولي وين عشاها.

    العزوز:: مش جــاية نــدور في عشــاك ، ندور في المخلوق الي بحـــداك.

    الكنة:: يا عزوزة خيرك قــرباجــة كسرتــي بــاب الثــلاجة.

    العزوز:: ولدي قالي شوفيها و كان فيها حــاجة خــوديهــا.

    الكنة:: و هــيا مـــا فيــها شـــئ ان شاء الله يــصكـك خيط الضئ .

  4. #4
    عضو مشارك
    تاريخ التسجيل
    Sep 2009
    الدولة
    libya
    المشاركات
    2,198

    افتراضي

    هههههههههههههه
    لالا هكى ماتفاهمناش والله الا قوية
    تسلمووووووووووووووووووووو

  5. #5
    عضو وفي
    تاريخ التسجيل
    Sep 2009
    المشاركات
    1,015

    افتراضي

    مناظرة 3

    هذه القصيدة سترون فيها ايش راح تقول الكنة و ايش راح
    ترد العزوز عليها.. ما نطول عليكم
    اترككم مع القصيدة


    علينا بطيتى فى جيتك ياكنة ومن آمتى فى جيتك نستنى

    الكنة



    قالتلها تعبانة وفى الحوش رانى تاعبة عيانة
    نصف النهار يريح فى ضمانه وبعدين نبدا بالغداء نتعنى
    انرجع كل شئ لمكانه زاد الشقاء والخادمة تلزمنا

    العزوز
    فجيوة تعانى كنتى فى حالة ...من الحوش تعبت طالبة شغالة
    خداكم الببى فى وقتكم ودلاله ...وين التعب اللى واصلك ياحنة
    لو كان شفتى وقتنا واجياله... وشفتى الشقاء والهول اللى صارلنا
    تقولى التعب ماريت كان خياله... بالصبر فوتناه وتحملنا
    وهالوقت تشكو من التعب واشكاله... وانتم فى خير وعايشين فى جنة
    والشغل ولى كل شى بالالة...لا تتعبو لاتعرفوله صنة
    من المكنسة للغاز للغسالة... توفرعليكم جهد ياما منه


    الكنة

    وقتك تعدى بهمومه وخيره... وهالوقت رانا عايشين فى غيره
    الاشغال زادت والاعمال كثيرة... والنهار يفوت فى مشاغلنا
    من الصبح ننهض للفطور نديره... ولبس الصغار يزيدنا يعطلنا
    وفى العمل بختى محارفه مديره بيدير نشفة كانا تاخرنا
    يكتب غياب ويطلب فى تبريره ولفت النظر مرات بيمدلنا
    وتوا الثلاثة يحكمو فى السيرة ولدك والمدير وانتى غنة
    بالله تربحى فضي هالسيرة دامه السانك بالدلال اتهمنا
    انتى قبل كنتى عايشة فى دويرة ضمانها مافيش ما اسهل منه
    لاعمل عندك لاذهاب الشيرة اديرى الوجبة وخاطرك يتهنى
    حتى ان كنتى فى الاحوال فقيرة... مرتاح ديما خاطرك متهنى

    العزوز

    فرقة الله راحتنا... من الصغر واحنا مبهدلة عيشتنا
    بين الشقا والفقر هى حالتنا... وياما تعبنا كثير وتبهدلنا
    ولما جبدتى وقتنا وسيرتنا... بنخبرك عالهول اللى صارلنا
    بنخبرك عالوقت اللى كان... وكيف المرا كانت فى وقت زمان
    محال تظهر راسها عريان... ولبس الرداء لازم ضرورى منه
    مش كيفكم فى قونة وقفطان... وقص الشعر موضة عليكم منه
    على الوجه درتو من الستوك الوان... مكياج بعده الرائحة والصنة
    على الحاصل بديتو زى نساء الطليان... لاتفكرو لا فى فرض ولا فى سنة


    الكنة

    قالت الكنة وقتنا مريحنا... مهيل علينا الخير وتبحبحنا
    ومانسمحو للسانكم يجرحنا... عزوز مكمل عمر مش راحمنا
    ولاتسكتو ولاكلامكم ريحنا... والحقد مالى قلوبكم عالكنة
    وفى خير ونعمة ربكم طيحنا... اتنقوا علينا ضاقت اخواطرنا

    وكان ظهرنا نهار وتفسحنا... لسانكم لازم الحرب تشنه
    درنا الهدنه صلحها مافلحنا... ديما معاكم ناصبة مشاكلنا
    ظلمنا البخت فى شكلكم طيحنا... نقانكم كاثر علينا زنه
    خرجنا عالموضوع سرحنا... ويزعل عليك الخاطر ما نضنه
    ولايركبك منى كدر لامحنة... اضطريت لكلامك نعقب عنه


    العزوز

    باهى كلامك فى الاخير اسلوبه... غطى الاول مسح عيوبه
    ولا زاعله منك ولاسبوبة... عجبنى اسلوبك فى الحديث وفنه
    الموضوع الاول نرجعو لصوبه... لجيل وقت زمانهم نسونا
    فى وقتنا مانعرفوش ذهوبه... ولانعرفو موضات بيها حفلنا
    ولا نلبسو دبلة فى يوم خطوبة... ومانقابلوش خطيب لايقابلنا
    مش كيف تواه لاصقة فى تلبوبه... قدام بوها لاحشم لاتوبه

    نرضو بقسمة ربنا ومكتوبة... ونصيب ربى وين بيوصلنا
    وكانت الحشمة والحياءمطلوبة... مش كيف توا جيلكم هبلنا
    وكانت ايامه فرحنا محسوبة... سبعة ايام ان كانا شورنا
    وبصورنا فوق الجمل وركوبه... وقدامنا الغني وخيل ورنة
    مش فرحكم هالوقت فيه صعوبة... فيه المرا و البنت تتحكمنه
    وفيه المشاكل رابخة منصوبة... على اقل حاجة يصير مادامنه
    وكم من كراهب روحت مضروبة... ومن الفرح يرجع للنكد والغنة
    بحاجة بسيطة عرسنا يندار... ولافيه قعدن يذبحه جزار
    ولاصفت مرسيدس جديدة اصفار... كان الجمل لبيتنا يوصلنا
    ولاعندنا موبيليا ولاستار... ولاعندنا دولاب باسم مهنى
    والفرش كان حصيرة ومندار... ومن الجلد رقعة كانا حصلنا
    والللامبه كانت عقاب فنار... تضوى علينا كانا شعلنا
    بختك زها يا كاحلة الانظار... وحضك تعيشى فى نعيم وجنة


    الكنه

    كلامك عجبنى تام بللى فيه... الخاطر قدا ماضيك شديتيه
    حكيتى عليه الوقت اللى حضرتيه ...تاريخ يقعد دوم بيذكرنا
    بالله زيدى كملى باقيه... دور المرأ فى وقتكم مافهمنا
    والعمل اللى كانت تأدى فيه... لا قبل تنهى خبرينا عنه



    العزوز


    ماضى المرا اللى كان فى ماضينا... ماضى الشقا والتعب اللى رينا
    يذن اذان الفجر يصحينا... للعمل نمشو ربنا يعاونا
    ونلقو الرشا والدلو مستنينا... ونلقو البقرة فى المجر تستنى
    وياما ملينا الجابية عبينا... ومنها اميه لغرسنا حولنا
    وياما حصدنا من العشب نقينا... ومنه نغدو سعينا وخرفنا
    يفوت الضحى والشمس تقلى فينا... وبعدها نكونو للغداء عولنا
    بسطل اميه نروحو فى ايدينا... وخضرة غدانا تامة وحطبنا
    لاغاز و لاكوجينة... ولا شيشمة فى الحيط بتصبلنا
    يطيب الغداء والصوف يراجى فينا... الحولى خدمنا طعمته وغزلنا
    ومن هالرحى قداش ماقاسينا... عليها ليالى واجدات سهرنا
    وحتى غسيل جرودنا بايدينا... ومافيه غسالات فى منازلنا
    وقت البلح قداش مافصينا... ودرنا فوق بيوتنا ونشرنا
    وخبزة الفرن نطيبوها بنية... وخبزة الملة طعمها ما ابنه
    وللزرع عالرجلين ياما مشينا... وياما تعبنا والشقا مللنا
    ومصعب علينا زيارة امالينا... فى العام مرة كانا حصلنا
    مش كيف تواه كرهبه وبنزينة... وراجل ينفذ الامر غصبا عنه
    ساعة يراجى وتركب على يمينه... و لى وين ماتبى يوصلها
    والسوق منه تاخدى اللى تبينه.. وكل ماتريدى وخاطرك يتمنى
    وينه التعب مبعد عليك سنينه... فى الخير توا عايشين فى جنة
    عليكم بدومه ربنا عالينا... هللى دعانا لطاعته وامرنا
    وتوه عرفتى وقتنا وزمانه... وقداش شفنا من عذاب الوانه
    وتوه تعيشو فى نعيمه سبحانه... وقلتو تعبنا والتعب كملنا
    واهو احنا لجيلكم سلمنا... وماعاد لينا فيه مايشغلنا
    تمت ايامه عمرنا عدينا... وانتى تهنى وبحبحى ياكنه





    منقول
    التعديل الأخير تم بواسطة ركاز ; 27-12-2009 الساعة 04:13 PM

  6. #6
    عضو مشارك
    تاريخ التسجيل
    Jul 2008
    المشاركات
    2,964

    افتراضي

    شكرآ أختي ركــاز ..،،


    موفقه بإذن الله ... لك مني أجمل تحية .

  7. #7
    عضو مشارك
    تاريخ التسجيل
    Sep 2009
    الدولة
    libya
    المشاركات
    2,198

    افتراضي

    وياما حصدنا من العشب نقينا... ومنه نغدو سعينا وخرفنا
    يفوت الضحى والشمس تقلى فينا... وبعدها نكونو للغداء عولنا
    بسطل اميه نروحو فى ايدينا... وخضرة غدانا تامة وحطبنا
    لاغاز و لاكوجينة... ولا شيشمة فى الحيط بتصبلنا

  8. #8
    عضو وفي
    تاريخ التسجيل
    Sep 2009
    المشاركات
    1,015

    افتراضي

    شكرا للجميع على المرور

  9. #9
    عضو وفي
    تاريخ التسجيل
    Jul 2009
    الدولة
    gorreji
    المشاركات
    1,056

    افتراضي شكرأأأأأأأأأأأأأأأأأأأأأأأأأأأأأأأأأأأ


    مشــــــــــــــــــــــــــــــــــــــــــــــــ ـــــــــــكورة على هذا الاقتباس الرائع والله ماشاء الله

  10. #10
    عضو وفي
    تاريخ التسجيل
    Jul 2009
    الدولة
    gorreji
    المشاركات
    1,056

    افتراضي

    الحق يعز عليا الشعر العمي هلبه

 

 
صفحة 1 من 2 12 الأخيرةالأخيرة

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
 
 
جميع الحقوق محفوظة © 2007 - 2013, موقع القانون الليبي.